Springtime Bandit #2

Ég varð svo hrifin af þessu sjali að ég ákvað að skella í annað.  Í þetta sinn er ég með tvöfaldan plötulopa, fallega bláan.  Hlakka mikið til að klára það.
Tvöfaldur plötulopi
Prjónar # 5.5

Springtime Bandit

Þar sem mér gekk svo vel með Haruni, þá ákvað ég að skella í annað sjal sem ég hef haft augastað á.
Ótrúlega þægilegt munstur og gaman að prjóna það.
Ég veit ekki fyrir hvern ég er að pjóna þetta sjal, langaði bara að prófa.
Prjónar: #5,5
Cascade 220 garn frá Handprjón, grár tónn


Alveg týpískt.  Átti eftir 1/2 umferð og affellingu og þá kláraðist garnið, þannig að ég þurfti að kaupa meira.

Haruni

Ég er að prjóna Haruni sjalið.  Lét loksins verð af því, er búin að dásama þetta sjal í langan tíma og ekki lagt í að prjóna það.  Datt svo inn í KAL Haruni hóp á Facebook og ákvað að taka þátt í því.
Það gengur bara vel.  Ég er búin með Chart A og þá er bara að byrja á Chart B.
Ég er viss um að ég eigi eftir að prjóna annað Haruni sjal og jafnvel þora að prjóna önnur sem eru svona mynstruð.

Myndin sýnir þegar ég er ekki alveg búin með Chart A.
Ég hlakka svo til þegar ég verð búin að þessu og búin að þvo og strekkja.
Prjónar # 4.5
Randalína 2 frá Handprjón

Afgangsprjón

Ég er á fullu að rembast við að klára Álafosslopa afgangana mína og þetta er útkoman:

Húfa:  Hænuvíkurhúfan úr Fleiri Prjónaperlur.  Er á stórann koll.

Vettlingar:  Prjónar #4,5 og #6.  Stuðst við bókina Vettlingar og fleira.  Eru L/XL

Sokkar:  Prjónar #5,5.  Stuðs við bókina Sokkar og fleira.  Stærð 38-40